आधार व आवश्यक कागदपत्रांची पडताळणी 30 एप्रिल पर्यंत पूर्ण करावी

ठाणे (दि.05 ) :कौशल्य, रोजगार, उद्योजकता व नाविन्यता विभागाच्या शासन निर्णय क्रमांक संदर्भ क्र. संकीर्ण-2024/प्र.क्र.90/व्यशि-3, दि.09 जुलै, 2024 अन्वये “मुख्यमंत्री युवा कार्य प्रशिक्षण योजना” सुरु करण्यात आली आहे. या शासन निर्णयानुसार प्रशिक्षणार्थींना सहा महिने कालावधीसाठी प्रशिक्षण देण्यात येत होते. आता मुख्यमंत्री देवेंद्र फडणवीस यांनी घोषित केल्यानुसार आता शासन निर्णय क्र. कौविज-2024/ प्र. क्र.118 / प्रशा-2, दि.10 मार्च, 2025 अन्वये मुख्यमंत्री युवा कार्यप्रशिक्षण योजनेंतर्गत कार्य प्रशिक्षणार्थींचा प्रशिक्षण कार्यकाळ 6 महिने ऐवजी 11 महिने करण्यात आला आहे. या योजनेंतर्गत प्रशिक्षणार्थींचे विद्यावेतन डीबीटी द्वारे त्यांच्या बँक खात्यामध्ये ऑनलाईन जमा करण्यात येत आहे.

मुख्यमंत्री युवा कार्य प्रशिक्षण योजनेंतर्गत प्रशिक्षणार्थींचा प्रशिक्षण कार्यकाळ 6 महिने ऐवजी 11 महिने करण्यात आल्यामुळे ज्या उमेदवारांनी दि.10 मार्च 2025 किंवा त्यापूर्वी आपले सहा महिन्याचे प्रशिक्षण पूर्ण केले असेल अशा प्रशिक्षणार्थींना उर्वरित पाच महिने कार्य प्रशिक्षण घेण्याची संधी उपलब्ध झाली आहे. या वाढीव 5 महिन्यांच्या कालावधीसाठी कार्य प्रशिक्षण घेण्यास इच्छुक उमेदवार तसेच सद्यस्थितीत प्रशिक्षण घेत असलेले उमेदवार व योजनेचा नव्याने लाभ घेण्यास इच्छुक उमेदवारांची आधार पडताळणी व आवश्यक कागदपत्रे (उदा. आधार, शैक्षणिक पात्रता, वय, अधिवास प्रमाणपत्र इ.) तपासणी करणे आवश्यक आहे. त्याचप्रमाणे योजनेच्या https://www.cmykpy.mahaswayam.gov.in या वेबपोर्टलवरील प्रतिज्ञापत्राचा नमुना प्रशिक्षणार्थी व आस्थापना यांनी संबंधित सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, ठाणे यांच्याकडे सादर करणे अनिवार्य आहे. यापुढे Aadhar Seeded DBT होणार असल्याने सर्व प्रशिक्षणार्थ्यांनी बँक खाते Aadhar Seeding करून घ्यावी.

तसेच, ज्या आस्थापना या योजनेतंर्गत प्रशिक्षणार्थी घेण्यास इच्छूक आहेत त्या आस्थापनांची शासन निर्णयानुसार कार्य प्रशिक्षणार्थी सामावून घेण्याची क्षमता आवश्यक कागदपत्रांची तपासणी/पडताळणी करूनच उमेदवारांना आस्थापनेवर रुजू करून घेण्याचा निर्णय घेण्यात आलेला आहे.

दि.10 मार्च 2025 च्या शासन निर्णयानुसार आधार व कागदपत्र पडताळणी पूर्ण झाल्याशिवाय कोणत्याही प्रशिक्षणार्थीना प्रशिक्षणासाठी रुजू करुन घेण्यात येणार नाही. तसेच, प्रत्येक प्रशिक्षणार्थी यांची नोंदणी आधार पडताळणी अनिवार्य आहे. ज्या बँक अकाऊंटला आधार लिंक आहे, तोच बँक अकाऊंट नंबर योजनेच्या विद्यावेतन DBT साठी नमुद करणे आवश्यक आहे.

प्रशिक्षणार्थ्यांच्या आधार पडताळणीची प्रक्रिया खालीलप्रमाणे :

योजनेच्या https://www.cmykpy.mahaswayam.gov.in या वेबपोर्टलवरील Intern Login / Sign up à आधार नं, प्रविष्ट करणे à सेंड OTP à Verify OTP à The intern enters the received OTP Successful Login and Access. Once OTP verification is successful, the intern gains access to the system.

सर्व इच्छुक कार्य प्रशिक्षणार्थी यांनी आधार पडताळणी करणे तसेच, आस्थापना/नियोक्ते यांनी कागदपत्रे तपासणीसाठी जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त श्रीमती संध्या साळुंखे यांच्याशी दि.30 एप्रिल 2025 पर्यंत संपर्क साधून आवश्यक ती तपासणी करुन घ्यावी व या योजनेचा जास्तीत जास्त लाभ उमेदवार तसेच, आस्थापना/नियोक्ते यांनी घ्यावा.

याबाबत काही अडचण असल्यास जिल्हा कौशल्य विकास, रोजगार व उद्योजकता मार्गदर्शन केंद्र, ठाणे या कार्यालयात 022-25428300 या भ्रमणध्वनी क्रमांकावर किंवा विवेक चवरे मो. नं.8329459773 किंवा श्री.आकाश गोरे मो. नं.8208212697 यांना प्रत्यक्ष संपर्क करावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त संध्या साळुंखे यांनी केले आहे.

Please Share and like us:

About The Thane Radio

Thane Radio

See author's posts