सलग तिसऱ्या दिवशीही शहरातील 394 अनधिकृत बॅनर्स, होर्डिंग्जवर कारवाई

ठाणे (17) – ठाणे शहरातील बॅनर्स, पोस्टर्स आणि बेकायदेशीर फलक हटविण्याची विशेष मोहिम आज सलग तिसऱ्या दिवशीही करण्यात आली. ठाणे महापालिका कार्यक्षेत्रातील एकूण 394 अनधिकृत पोस्टर्स, बॅनर्स, होर्डिंग्ज हटविण्यात आले. महापालिका आयुक्त सौरभ राव यांच्या निर्देशानुसार ही कारवाई करण्यात आली.

ठाणे महापालिकेचा अतिक्रमण विभाग व प्रभागसमितीतील कर्मचारी यांच्यामार्फत ही कारवाई करण्यात आली. शहरातील पोस्टर्स, होर्डिंग्‌जमुळे शहराचे विद्रुपीकरण होत असून अनेकदा वाऱ्यामुळे अशा प्रकारचे होडिंग्ज पडून दुर्घटना होण्याची शक्यता देखील नाकारता येत नाही. या पार्श्वभूमीवर कारवाई सुरू असून ही मोहिम यापुढेही आयुक्तांच्या निर्देशनुसार सुरू राहणार आहे.

या कारवाईदरम्यान अतिक्रमण विभागाचे उपायुक्त शंकर पाटोळे, सर्व प्रभाग समित्यांचे सहाय्यक आयुक्त तसेच प्रभागसमितीतील अतिक्रमण विभागाचे कर्मचारी उपस्थित होते.